• 法國U20獻「細」

    2019-05-25 11:19:41 来源:网络

    今非昔比
    世青盃周六上演E、F組賽事,三大熱門法國U20、阿根廷U20及葡萄牙U20分別登場。法國自從2013年靠保羅普巴、烏姆迪迪等孭飛捧盃後,近年表現都係雷聲大、雨點小,除咗上屆世青盃16強出局,上年舉行嘅U19歐國盃亦喺4強被淘汰,今屆佢哋沿用U19歐國盃成員做班底,E組首戰對沙特阿拉伯讓波純粹名牌效應。

    沙特阿拉伯喺上年U19亞洲盃先後擊敗南韓、日本及澳洲等勁旅封王,實力有番咁上下,當中榮獲賽事金球獎嘅艾阿馬更被視為國家隊未來希望,演出引人關注,法國一向唔擅長破密集,今場大細中位數開到3/3.5球,捧細最划算。

    (周日凌晨零時開賽)

    南韓葡萄牙鬥入波
    被視為今屆死亡之組嘅F組,除咗兩支傳統勁旅阿根廷及葡萄牙,亞洲代表南韓亦具備出線實力。南韓首場會同葡萄牙正面交鋒,南韓今屆由效力西甲華倫西亞嘅中場李康仁領軍,踢法機動夠效率;葡萄牙以上年U19歐國盃冠軍成員做重心,轉會窗大紅人、賓菲加前鋒祖奧菲臘斯已進身大國腳,今次無緣出戰,不過隊友祖奧菲臘比祖達、費羅倫天奴及謝特臣費南迪斯喺賓菲加夾慣夾熟,唔怕遲入局,今場首選大。

    (周六晚9時30分開賽)

    至於6屆冠軍阿根廷上屆分組賽出局,今屆捲土重來勢打爭氣波,首仗對住同組最弱嘅南非必拚盡,讓一球/球半照捧上盤。

    (周日凌晨2時30分開賽)

    新疆福彩18选7是什么意思_浙江快乐12客户端下载-腾讯分分彩是真是假 b站| 东方财富| b站| 00后首夺大满贯| 世界杯西班牙夺冠| 爱奇艺| 少年| 投放1万吨冻猪肉| 沪电股份| 徐开骋|